Link açıqlığı

Elverişsiz ava vaziyeti sebebinden Keriç paromlı keçiti bütün gece çalışmadı.

Bu aqta OOO «Morskaya direktsiya» ğa atıf etip, Rusiyeniñ nezaret astında bulunğan Qırımdaki fevqulade vaziyetler nazirliginiñ matbuat hızmeti bildirmekte.

Berilgen malümatlarğa köre, keçit küçlü tuman sebebinden öz işini fevral 29 aqşam toqtatıp mart 1 sabasına qadar çalışmadı. Şimdiki vaqıtta, hızmette iddia etkenleri kibi, keçitler Keriç boğazından Qırımdan Rusiyege qatnap başladı.

Keçenlerde keçit aynı sebeplerden öz işini toqtatqan edi.

Keriç boğazındaki paromlı keçit 2014 senesi Rusiye tarafından işğal etilgen Qırımnı Krasnodar bölgesinen bağlağan esas naqliyat damarı olmaqta.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG