Link açıqlığı

Aqyarda cenk zamanından qalğan 140 ziyade mermi tapıldı


Aqyarda, Balıqlava rayonı Qara - Qoba deresinde yerli sakin 140 ziyade mermi taptı. Bu aqta Rusiyeniñ Aqyardaki fevqulade vaziyetler nazirliginiñ matbuat - hızmeti bildirmekte.

Olarnıñ malümatlarına köre, mütehassıslar etrafnı teşkerdi ve bütün bu mermiler Ulu Vatan Cenki vaqıtından berli yer içinde yatqanı, bu künge qadar ise aktiv alda olğanı belli oldı.

«Olarnıñ arasında toplar bombaları 45 - 75 mm ve minalar 82; 120 mm. Bütün olar sovet ve alman imalâtıdır. Añlaşılğanı kibi, cenk vaqıtında mında ateş noqtası olğan. Mermiler tapılğan yerde işler devam etecek», - iç hızmet kapitanı Viktor İlyenkonıñ sözlerine binaen, qayd etti «Novosti Krıma» saytı.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG