Link açıqlığı

Fevral 29 künü Rusiye nezaret astında bulunğan Qırım Yuqarı Mahkemesi, 11 fevralde qapatılğan ve soñunda «terrorizmde» qabaatlanğan qırımlılar Müslim Aliyev, Emir - Üsein Kuku, Enver Bekirov ve Vadim Siruknıñ apiste qaldırmaq qararında qaldı.

Bu aqta Qırım.Aqiqatqa olarnıñ advokatı Emil Kürbedinov bildirdi.

«Afsus ki, mahkeme qorumanıñ delillerini qabul etmedi, her şey esaslanğan ve mabuslar qanunğa köre qapatılğan.- dediler olar. Buña baqmadan olarnı hiç olmasa ev tevqifine qoymaq içün bütün temeller bar», – dep ayttı Kürbedinov. Aynı zamanda,o, apis etilgenlerniñ «müthiş baqım şarait» şikâyetlerini belgiledi.

«Qabaatlanğanlarnıñ özüleri makeme devamında FSBniñ uydurılğan qabaatı, işlerniñ fabrikatsiyası, müthiş baqım şaraitleri aqqında ayttılar, mında söz yemekniñ içinde bulunğan fırın böcekleri, qandalay ve bitler aqqında yürütüle, olardan ise, tsitata ketirem: bütün töşek - yastıqlar qan içinde... » , kameralarnıñ rıh-marıh olğanı sebebinden koykalar yetişmey (sıranen yuqlaylar) », - izaatladı Kürbedinov.

Fevral 11 künü, Qırımda, qırımtatarlarnıñ evlerinde bir sıra tintüvler keçirildi. Olarnıñ neticesinde 12 insan tutıp qapatıldı, sorğudan soñ çoqusı azat etildi. Rusiye nezaret astında bulunğan Qırım prokuror Natalya Poklonskaya «Hizb ut - Tahrir» adlı terroristik teşkilâtnıñ faaliyetinen bağlı cinayi işniñ açılması aqqında bildirdi.

Fevral 12 künü qapatılğan dört insan Müslim Aliyev, Emir - Üsein Kuku, Enver Bekirov ve Vadim Siruknı Qırımdaki mahkeme apis etmek qarırını aldı. Olarnıñ advokatı Emil Kürbedinov iddia etkeni kibi, taqiqatta apis etilgenlerni «Hizb ut-Tahrir» teşkilâtınıñ iştirakçileri olaraq qabaatlamaq içün iç bir delilleri yoq. Fevral 12 künü daa tahminen on tintüv keçirildi.

Qırımtatar halqınıñ Meclisi böyle areketlerni qırımtatarlarğa qarşı yapılğan yañı repressiyalar kibi tanığan. Bundan sebep UkrainaTiş İşler Nazirligi fevral 12 künü narazlıqnı bildirip, Rusiyege basımnı küçleştirmege çağırdı.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG