Link açıqlığı

Rusiyeniñ nezaret astında bulunğan Qırımdaki fevqulade vaziyetler nazirliginiñ matbuat hızmeti bildirgeni kibi, Keriçniñ paromlı keçiti öz işini yañıdan başladı, o ise küçlü tuman sebebinden fevral 29 künü çalışmadı.

Umumen alğanda, ava vaziyetinden paromlar tahminen üç saat qatnamadı. Keçenlerde de Keriç paromlı keçit işniñ bölünüvinen çalıştı.

Keriç boğazındaki paromlı keçit 2014 senesi Rusiye tarafından işğal etilgen Qırımnı Krasnodar bölgesinen bağlağan esas naqliyat damarı olmaqta.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG