Link açıqlığı

Qırımnıñ Yedi Quyu rayonında köylerniñ 20% suvnı çapçaqlarnen almaqta - kütleviy haber vastaları


Qırımnıñ Yedi Quyu Rayonında 20% köyleriniñ merkezleştirme suvnen teminlemeleri yoq. Suvnı ise insanlarğa çapçaqlarnen ketireler. RİA Krım-nıñ malümatına köre, bu aqta «Rossiya segodnâ» adlı radionıñ efirinde Yedi Quyu rayonnıñ memuriyet yolbaşçısı Aleksandr Maçusskiy bildirdi. O qayd etkeni kibi, suvnen temin etüv meselesi şimdiki vaqıtta, çezilecek problemlerden eñ birinci sırada turmaqta.

«Yedi Quyu Qırımnıñ eñ büyük rayonıdır. Onıñ meydanı 2918 k.km. Elbette, biz Vetanğa qaytqanımızdan eki yıl keçti, çoq iş yapıldı, amma çapçaqlarnen suv taşıması bu qamçılamadır, köylerimizniñ tahminen 20% suvnı aynı böyle usulnen almaqta», - dedi A. Maçusskiy.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG