Link açıqlığı

Saatnıñ esas haberi

İstanbulda Rusiye tarafından Qırım işğaline qarşı narazlıq mitingi ötkerildi


İstanbulda, Qırım türkleriniñ birdemlik ve medeniyet dernegi tarafından Qırımnıñ işğaline qarşı narazlıq mitingi ötkerildi. İştirakçilerniñ yürüşi Galatasaray meydandından başlap Rusiyeniñ Turkiyedeki baş konsullıq binansınıñ ögünde devam etti.

«Anadolu» haberler agentligi bildirgeni kibi, narazlıq iştirakçilerniñ ellerinde «Rusiye, Qırımdan qollarıñnı al!» degen plakatlar bar edi. İnsanlar «İşğalci - Rusiye, Qırımdan yoq ol!», «Qırım, Vatan, Millet!», «Biz bir avuç degil, bir yumruq halqmız!» - şiarlarnı seslendirgenler.

İstanbuldaki dernek yolbaşçısı Celâl İçtenniñ aytqanına köre, Rusiye er vaqıt olğanı kibi, tek öz devleti içün degil de, bütün dünyanıñ tınçlığına telüke köstermekte.

«Stalinden örnek alğan Pütin ve onıñ safdaşları bilmek kerekler ki, defalarca ğayrıdan doğurulğanı kibi, qırımtatar halqı Mustafa Abdulcemiloğlu Qırımlını yolundan iç bir vaqıt baş çevirmeycek.» - qayd etti Celâl İçten.

Ukraina Yuqarı Şurası 2014 senesiniñ fevral 20 resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG