Link açıqlığı

Dünya Rusiyeniñ Suriyede cenk areketleriniñ toqtatılmasına riayet etüvini közetecek – Obama


AQŞ ve Rusiye prezidentleri Barack Obama ve Vladimir Putin

Amerika Qoşma Ştatlarınıñ prezidenti Barack Obama Rusiyeni dünya Moskvanıñ Suriyede fevral 27 başlanması beklenilgen cenk areketleriniñ toqtatılmasına riayet etüvini közetecek, dep tenbiyeledi. Bunı o fevral 25-te AQŞ Devlet departamentiniñ Milliy havsızlıq meseleleri şurasınıñ vekilleri ile körüşüvinde bildirdi.

«Bu künler pek müim olacaq, ve dünya Rusiye ve onıñ ortaqları Suriyede barışıqqa riayet etemi-yoqmı baqacaq», – dedi Obama.

Amerika prezidenti barışıqnı Rusiye ve Suriye rejimi içün «bir test» dep adladı.

Aleppo rayonında Suriye ükümet quvetleriniñ Rusiye ava darbeleriniñ yardımı ile isyancılarnı sarıp aluv kampaniyası bu ay barışıq muzakerelerini aman-aman toqtattı. Barack Obama «İslam devleti» ve «Front an-Nusra» («Al-Kaidanıñ» Suriye bölügi) Suriyede cenkleşmege devam ete bilecegini ayttı, çünki olar barışıq muzakerelerine kirmey.

Obamanıñ qayd etkenine köre, Amerika askerleri «İslam devleti» gruppirovkasınıñ boyeviklerini «bütün cebelerde», şu cümleden, Libiyada yoq etmege devam etecek.

Cuma künü, fevral 26-da, Birleşken Milletler Teşkilâtınıñ Havfsızlıq Şurası Amerika Qoşma Ştatları ve Rusiye azırlağan Suriyede barışıq aqqında rezolütsiyanı tasdıqlaycaqtır.

Fevral 22-de belli olğanı kibi, Washington ve Moskva Suriyede barışıq planını belgilediler.

XS
SM
MD
LG