Link açıqlığı

Saatnıñ esas haberi

Jamala «dava çıqarğan» anter aqqında: nağışlanğan er bir çeçek – nesiller bağınıñ timsalidir


«Eurovision-2016» ukrain milliy saylavında ğalip çıqqan qırımlı Jamala Kiyevdeki finalda çıqışta bulunğan ve alâ daa muzakere etilgen anter aqqında tarif etti.

«Mükemmel bir qıyafet... tabiiy ki, Stockholmde başqa anter olacaq. Anterde nağışlanğan er bir çeçek – nesiller bağınıñ timsalidir: güller ana-qadınnı ifadeley. Badem – genç bir qız. Qaranfil – qart bir qadın, qartana, ikmet timsalidir. Dal ise qadın elementidir: mayışqan, deñişken», – dep yazdı yırcı Facebookta.

Nağış müellifi – ressam ve eykeltraş Rustem Skibin. Nağış – Ruslan Pançuk. Anter – LAKE brendi, dep ayttı Jamala.

Fevral 21-de «Eurovision-2016» yarışınıñ milliy saylavında jüri azası Konstantin Meladze qırımlınıñ qıyafetini tenqit etti.

«Çıqışıñıznı kördik, yırıñız – ayrı ikâye, sanalaştıruv – ekinci ikâye, siziñ tış körünişiñiz ve anteriñiz – üçünci ikâyedir. Bu üç ikâyeniñ bir-birine alâqası yoq, bir-birinden mustaqil şekilde yapılğanlar, çünki yırnı bir insan yazdı, sanalaştıruv diger insanğa ait, anter – üçünci insannıñ işidir. Eurovisionda taqım ile beraber ğalebe qazanmaq mümkün, taqımnen beraber çalışmaq kerek, taqımğa işanmaq kerek, adamlarnı celp etmek kerek, er bir müim bir yer ala... Bu anterde, bu körüniş ile bir «Eurovisionda» ğalip çıqamamız», – dep ayttı o.

«Eurovision-2016» milliy saylavınıñ neticeleri ilân etilgen soñ Jamala Ukrainanı yır yarışında lâyıq bir şekilde temsil etecegini bildirdi. Jamala qırımtatar halqınıñ faciası aqqında «1944» yırını taqdim etti. Onıñ aytqanına köre, bu kün – «hatıradır. Bu sene biñlernen qırımtatarlarınıñ ayatını yoq etti».

Ukraina prezidentiniñ matbuat kâtibi Svâtoslav Tsegolko dey ki, Jamala «1944» yırı ile «Eurovision yarışında dünyada qırımtatarlarğa qarşı cinayetler aqqında hatırlatır.

Ukraina «Eurovision» yarışını 2005 senesi qabul etti. Ğalebeni 2004 senesi Ruslana Lıjiçko qazandı, aynı şu senesi Ukrainada nam qazanğan artisti unvanını qazandı.

XS
SM
MD
LG