Link açıqlığı

Saatnıñ esas haberi

Qırımtatar Milliy Meclisi çeçen ve inguş halqlarınıñ repressiya qurbanlarını aña


©Shutterstock
©Shutterstock

Qırımtatar Milliy Meclisi ve reisi Refat Çubarov Şimaliy Kavkaz halqlarınıñ Stalin sürgünligi yıllığında çeçen ve inguş halqlarınıñ faciasını hatırlap, repressiya qurbanlarını aña. Bu aqqında qırımtatar temsil organı matbuat hızmetiniñ haberinde aytıla.

«72 yıl evelsi, fevral 23-te, SSCB kommunist rejimi çeçen ve inguş halqlarını tarihiy vatanlarından sürgün etti. Yarım million insandan ziyade sürgün etildi, inguş ve çeçen halqlarınıñ aman-aman yarısı açlıq, suvuq ve 1956 senesine qadar devam etken mahsus yerleşüv rejimi şaraitlerinde işler sebebinden vefat etti», – dep yazdı Çubarov Facebookta.

«Bugün, halqlarımız içün zor künlerde olğanı kibi, qardaşlarımız – çeçen ve inguşlarnen beraber sürgünlik qurbanlarınıñ hatırasına baş egemiz, elâk olğanlarğa Allahtan rahmet tileymiz...», – dep qoştı o.

Çeçenistanda üç yıldan berli Stalin sürgünliginiñ qurbanlarını añmaylar. Çeçenistan yolbaşçısı ve ükümetiniñ resmiy saytında çeçenler sürgünliginiñ yıllığı aqqında bir söz bile yoq. 2012 senesi Çeçenistan yolbaşçısı Ramzan Kadırov fevral 23-te qayd etilgen Hatıra kününi babası, Çeçenistannıñ sabıq prezidenti Ahmat Kadırov vefat etken mayıs 10-na deñiştirdi.

XS
SM
MD
LG