Link açıqlığı

«Eurovision» milliy yarışı ukrain muzıkasında yañı aqımlarnı açtı – Jamalanıñ prodüseri


«Eurovision-2016» yır yarışında Milliy saylav basamağınıñ finalı ukrain muzıkasında yañı aqımlarnı açtı. Bu fikirni Qırım.Aqiqat Radiosı efirinde aslı qırımtatar ukrain yırcısı Jamalanıñ prodüsseri İgor Tarnopolskiy bildirdi.

«Pek adaletli bir saylav edi, ğalebe qazanğanımız içün degil, meni doğru añlañız, artistlerniñ saylavı muzıkada yañı aqımlarnı, umumen – yañı ukrain sanasını açtı. Tabiiy ki, jüri azalarınıñ ve biznen çalışqan, başqa iştirakçilernen çalışqan bütün insanlarnıñ fikirlerini diqqat ile diñleymiz, nazarğa lamız. Amma, ebet, er bir fikirni diñlemege çare yoq», – dedi Tarnopolskiy.

Onıñ sözlerine köre, şimdi Jamalanıñ komandasında malüma toplavı kete.

«Şimdi ilân etilgen sananı diqqat ile ögrenemiz. Ebet, olarnen bağı tutacaqmız, tevsiye, meslatlarını diñleycekmiz», – dedi prodüser.

Jamala qırımtatar halqınıñ faciası aqqında «1944» yırını taqdim etti. Onıñ sözlerine köre, bu kün – «hatıra. Bu yıl biñlerce qırımtatarnıñ ayatını deñiştirdi. Yırcı sms-rey berüvde seyircilerniñ eñ çoq sesini qazandı. 300 biñden ziyade insan rey berdi.

Qırım Muhtar Cumhuriyetiniñ sakinleri rey berüvge qoşulıp olamadı, çünki Rusiye tarafından işğal etilgen Qırımda ukrain mobil operatorları çalışmay.

Qırımtatar Milliy Meclisiniñ reisi Refat Çubarov dey ki, Qırımda mobil operatorları yarımada sakinlerine Ukraina içün rey bermege musadere etmedi.

Ukraina prezidentiniñ matbuat kâtibi Svâtoslav Tsegolko dey ki, Jamala «1944» yırı ile «Eurovision yarışında dünyada qırımtatarlarğa qarşı cinayetler aqqında hatırlatır.

Ukraina bıltır «Eurovision-2015» yarışında iştirakindenvazgeçti. Sebepler arasında ukrain topraqlarınnı zaptı ve Donbass arbiy ziddiyeti qayd etilgen edi.

Ukraina «Eurovision» yarışını 2005 senesi qabul etti. Ğalebeni 2004 senesi Ruslana Lıjiçko qazandı, aynı şu senesi Ukrainada nam qazanğan artisti unvanını qazandı.

61-inci «Eurovision-2016» halqara yır yarışı Stockholmde (İsveçiya) mayısta keçirilecek. Bu sene yarışta dünyanıñ 43 memleketinden iştirakçiler qoşulacaq.

XS
SM
MD
LG