Link açıqlığı

Yefrosinina Qırım işğaliniñ ekinci yıllığı aqqında: ağrısı keçmedi


Ukrain alıp barıcısı, qırımlı Maşa Yefrosinina dey ki, Rusiye tarafından Qırımnıñ ekinci yıllığını aynı can ağrısı ile yaşay.

«Qırım işğalinden eki yıl keçse bile, ağrısı keçti-keçmedi, dep ayatamam, olğanı kibi agıra», – dedi alıp barıcı Qırım suali» leyhasınıñ çerçivesinde.

«Menim içün Qırım işğali – bölünüv, bölünüvniñ başlanuvı, bölünüv ile bağlı er şey. Bunıñ ile bağlı olğan daa bir ağırğan noqta – menim şahsiy toprağım, tuvğanlarım, dostlarım, anda barmağa imkânnıñ olmağanı. Tuvğan topraqnı, tuvğan şeerimni, babamnıñ mezarını körmege imkânnıñ olmağanı», – dedi o.

«Qırım suali» leyhasınıñ çerçivesinde .Qırım meselesi ile oğraşqan matbuat vastaları Qırımda işğalge qarşılıq kününe bağışlanğan marafonı keçirecekler. Jurnalistler belli ukrainlerden ne içün Qırım aqqında unutmamaq kerek olğanını soradılar. Marafon fevral 26 künü saat 19:00 başlanacaq.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG