Ukrainada Qırım Muhtar Cumhuriyetiniñ ekinci yıllığına bağışlanğan «Qırım – Ukraina!» haber kampaniyası başlandı.
Ukraina haber siyaseti naziriniñ keñeşçisi Emine Ceppar dey ki, kampaniya vazifesi – Qırımğa nisbeten ukrainlerniñ cemaat fikriniñ birleşüvi.
«Bu sene kampaniyasınıñ esas ğayelerinden biri – Qırım ile bağ, roliklerde adiy ukrainler ve belli insanlar Qırımğa, qırımtatarlarğa, ukrainlerge destek ile muracaat ete, çoqusı qırımtatar tilinde!» – yaza Ceppar Facebookta.
Levhalar içtimaiy reklama statusını taşıy.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
