Ukraina halqara şerikleri işğal etilgen Qırım boyunca devlet strategiyası olmağanı içün köçip kelgenlerge yardım programmalarını toqtata. Bunı Qırım.Aqiqatqa «KrımSOS» cemaat teşebbüsiniñ tesisçisi Tamila Taşeva bildirdi.
«Bir mesele, çünki halqara resur bar, amma strategiyanı ne qadar uzatsaq, o qadar çoq şerikimiz kete, devletimiz köçip kelgenlernin meselelerini öz başına çezip olamay. Soñ malümatlarğa köre, bazı teşkilâtlar Avropada qaçaqlar buhranından sebep Ukraina boyunca programmalarını 20-30% qısqartacaq. Da yarım yıl evelsi bugün Ukrainadan ketecek parağa köçip kelgenlerniñ mesken ile meselelrini al etmege imkân bar edi», – dey Taşeva.
«Halqara şerikler bugün dey: «devletniñ Qırım ve Şarqnıñ işğal etilgen teritoriyalarına stragiyasını añlamayıp, yatırımlarnı bere bilemizmi», – dey «KrımSOS» tesisçisi.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
