Link açıqlığı

Saatnıñ esas haberi

Fevral 22-den Keriç keçitiniñ işi toqtala bile


Fevral 22-23 künleri Qırımda ava şaraitleriniñ bouzuluvı mümkün, Keriç parom keçitiniñ işi toqtala bile.

Bu aqta «Deñiz müdirligi» teşkilâtınıñ saytında aytıla.

Keriç boğazından parom keçiti 2014 senesi başından Rusiye tarafından işğal etilgen Qırımnı Rusiye Federatsiyasınıñ Krasnodar diyarı ile bağlağan yekâne naqliyat arteriyasıdır.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG