Qırımlı, ukrain boksçusı Aleksandr Usik Qırımda oğlu ile Ukraina bayrağı ile sport kiyminde kezintisinden foto paylaştı.
Fotosı Facebookta peyda oldı.
«Er angi avada kezinti, idmanlar kibi», – dep yazdı sportçu.
Usik – keçken sene eñ muvafaqiyetli Qırım sportçusı oldı. Aqmescitten ukrain boksuçı paytahttaki Sport sarayından üç uruşını keçirdi.
Ukrain boksçusı, qırımlı Usik sentâbrde birinci ağır yük boyunca WBO reytinginiñ başına keçti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
