Link açıqlığı

Çehiya ve Slovakiya cemaatçılığı temsilcileriniñ bir gruppası Ukraina vatandaşlarına Qırım işğaliniñ ekinci yıllığı munasebeti ile açıq mektüpleri ile muracaat etti. Mektüp müellifleri dey, 1968 senesi avgust ayında sovet ordusı Çehoslovakiyağa kirgeni kibi. 2014 senesi fevral 20 künü Rusiye işğalci akimiyeti «Qırımnı zapt etti ve onı Rusiyege mecburen qoştı».

«Moskva kene bütün dünyağa halqara añlaşmalarnı sade bir kâğıt parçası olaraq tanığanını kösterdi, Kreml tanığın yekâne qanunlar – cinaiy dünya qanunları, cungli qanunları», – denile mektüpte.

Çeh ve slovak erbaplarınıñ fikrine köre, bugün Ukraina vatandaşları ögünde eki yol bar, biri azatlıqqa, qanuniyet, zemaneviy medeniyetke, digeri ise – Ukrainanıñ şimdiki Rusiye rejimine tabi olmasına, zorbalıqqa. Olar eminler, Qırım ve Donbassnıñ qısmı azat olunır ve Ukrainanıñ ğarbiy medeniyetke qaytması muvaqiyet ile biter.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG