Türkiyede fevral 17 künü Ankarada bir çoq insannıñ ölümine ketirgen patlav içün mesüliyetni ozüne silâlı kürd teşkilâtlarından biri aldı.
«Kürdistan azatlığınıñ şainleri» teşkilâtı saytında bildirgeni kibi, ücüm arbiylerniñ memleketniñ cenübiy-şarqında etken ameliyatlarına cevap oldı.
Teşkilâtta deyler ki, ücümleri devam etecek ve ecnebiy ve turistlerni Türkiye turistik obyektlerine barmaqtan tenbiyeledi.
Beyanatta aytılğanı kibi, «ücümler vaqtında bu yerlerde bir kimse ölse, biz cevapkâr degilmiz».
Çarşenbe künü, fevral 17-de, Ankarada yüz bergen patlav neticesinde 28 insan elâk oldı, daa 61 уаralandı, dep bildireler Türkiye matbuat vastaları.
Patlav bir qaç yüksek arbiy müessise, İçki işler nazirligi ve parlament yanında yüz berdi. Malümatlarğa köre, arbiyler ile avtobuslar ketken vaqıtta olarnıñ yanında maşina patladı. Aynı arbiylerge ücüm etilgenini tüşüneler.
