Link açıqlığı

Aqmescitniñ Kiyev rayon mahkemesi Qırımnıñ Rusiye prokurorı Natalya Poklonskayanıñ bazı malümatnıñ ekstremist olaraq tanılması aqta arizası boyunca qarar çıqardı. Bunı fevral 18 künü Kremlge tabi olğan Qırım prokuraturasınıñ matbuat hızmeti bildirdi.

«Aqmescitte 2014 senesi oğlan ve qızlar içün medreseniñ binasında tapılğan edebiyatqa ekstremist faaliyet hususiyetleri malik olğanı belgilengen», – denile beyanatta.

İşbu derclerniñ cedveli: «İslâm devleti», müellifi Takiyüddin Nabhaniy; «Radikalizm, Ekstremizm ve İslamizm». «Terrorizm ile cenkte» aqiqat ve efsane» «Hizb-ut-Tahrir» neşriyatı; «Dört imamnıñ işançı. İslâmdan çıqqan aqım ve tariqatlar», müellifi Muhammad bin Abdurrahman al-Humeyyis, «Dört imamnıñ işançı: Abu Hanifa, Malik, aş-Şafi ve Ahmadnıñ».

Mahkeme qararı ile bu derclerni musadere ettiler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG