Link açıqlığı

Aqmescit hastahanesinde bina kirişine qurulğan merdiven tüşti. Neticede doquz yaşında qızçıq zarar kördi.

Fevral 18 künü Kremlge tabi olğan Qırım sağlıq saqlav nazirliginiñ matbuat hızmeti bildirgeni kibi, №5 şeer hastahanesiniñ filialı binasında merdivenniñ tüşmesi fevral 17 künü yüz berdi.

«Qaza neticesinde 9 yaşında qızçıq zarar kördi. Ayaq parmaqları qırılıdı. Oña ilk tibbiy yardım kösterildi, gips qoydılar, balanı evge yolladılar»,– denile beyanatta.

«İlk malümatqa köre, buña sebep merdivenniñ içerideki yapısınıñ bozuluvı oldı», – dep qoştılar matbuat hızmetinde.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG