Ukrainada Haber siyaseti nazirliginiñ «Qırım – Ukrainadır» haber kampaniyası başlanacaq. Onıñ çerçivesinde ukrain belli insanları ve qıta sakinleri qırımlılarğa destek sözleri ile muracaat ete.
Telekorüv ve radioyayınlav boyunca milliyşurasınıñ azası Sergey Köstinskiy bildirgeni kibi, bu videorolikler içtimaiy olaraq tanıldı ve yaqın zamanda telekanallarda ve internette kösterilecek.
«Kerçekten de, güzel bir leyha olacaq», – dedi Qırım.Aqiqatqa Sergey Kоstinskiy.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
