Link açıqlığı

Saatnıñ esas haberi

Kiyevde Noman Çelebicihan adına hatıra tedbirleri keçecek


künü Kiyevde keçecek. Bunı tedbir teşkilâtçıları – Ukraina milliy edebiyat müzeyi, «Alraid» bütünukrain cemaat teşkilâtlarınıñ birligi, İslâm diniy merkezi ve «Tamga» medeniyet ve üner merkezi.

Programmada – Çelebicihannıñ ayatı ve icadı aqqında çıqışlar, şiirleriniñ ukrain tercimeleri, «Alim» filminiñ seyir etilmesi.

Tedbir B.Hmelnitskiy soqağı boyunca yerleşken Ukraina milliy edebiyatı müzeyinde saat 16:00 başlanacaq. Mında fevral 10-dan qırımtatar halqınıñ donatuv-turmuş sanaatınıñ sergisi de olacaq.

Bunıñ ile fevral 23 künü Kiyevde Yelena Zamostân adına sanaat galereyasında «Noman Çelebicihan – kelecek nesillerge keçmişniñ dersleri» serlevalı munaqaşa keçirilecek. Kiyev vaqtı boyunca saat 18:00.

Noman Çelebicihan 1885 senesi molla qorantasında doğa. Bağçasaray, İstanbul, Sankt-Peterburgda oquy, qırımtatar yaşlarınıñ maarif ve inqilâbiy teşkilâtlarında iştirak ete. 20-nci asırnıñ başında eñ istidatlı qırımtatar edebiyatçısı olaraq tanıla. Qırımtatarlarnıñ milliy gimniniñ müellifi ola. 1917 senesi Fevral inqilâbından soñ Musulman icraiy komitetiniñ reisi, Qırım müfisi – soñra ise Birinci Qırımtatar Milliy Qurultayınıñ reisi ola. 1918 senesi yanvar ayında bolşevikler tarafından yaqalana, fevral 23 künü apiste deñizciler tarafından öldürile. 33 yaşında olğan müftiniñ cesedi deñizge atıla.

XS
SM
MD
LG