Ukraina Tış işler nazirliginde Türkiyede patlav neticesinde yaralanğanlar arasında ukrain vatandaşı olmağanını bildireler
Ukraina Tış işler nazirliginde deyler ki, patlav yüz bergen Türkiye paytahtı Ankara şeerinde yaralanğanlar arasında ukrain vatandaşı yoq.
Tış işler nazirliginiñ konsullıq hızmetiniñ departamenti Facebookta yazğanı kibi, qoşma malümat kelgen olsa, olar acele haber eterler.
Çarşenbe künü, fevral 17-de, Ankarada yüz bergen patlav neticesinde 28 insan elâk oldı, daa 61 уаralandı, dep bildireler Türkiye matbuat vastaları.
Patlav bir qaç yüksek arbiy müessise, İçki işler nazirligi ve parlament yanında yüz berdi. Malümatlarğa köre, arbiyler ile avtobuslar ketken vaqıtta olarnıñ yanında maşina patladı. Aynı arbiylerge ücüm etilgenini tüşüneler.
Devletniñ baş memurları ücümni terroristik bir areket olaraq tanıy.
Mesüliуetni özüne daa kimse almadı. Evelleri Türkiyede ücümlerni kürd separatistleri, levan ekstremistleri ve «İslâm devleti» ete edi.
Bıltır Ankarada yüz bergen patlav neticesinde yüzden ziyade insan elâk oldı.
