Link açıqlığı

Fevral 11 künü aqşam Aqmescit sakini Marsel Alâutdinov ğayıp oldı. Soñki sefer erkekni şu knü Kubanskaya soqağı rayonında körgen ediler, bundan soñ onıñnen kimse bağlanıp olamay, telefonı söndürilgen, dedi Qırım.Aqiqatqa onıñ apayı Yuliya Alâutdinova.

«Soñki afta aydağan maşinası da qıdıruvğa ilân etilgen. Bir şey körmey edim, amma dostları dey ki, soñki afta devamında o sigar içe edi, evelden içmey edi. Keçken bazarertesi künü, maşinasını sattı, bunı yapacaq edi, amma satqanı aqqında maña bir şey demedi», – dey qadın.

Onıñ sözlerine köre, arizası ile uquq qoruyıcı organlarğa muracaat etti. Politsiya aile tanışları arasında soravnı keçirdi.

Onıñ qıdıruvı aqqında resmiy malümat daa yoqtır.

Qırımnıñ işğalinden soñ yarımadada qırımtatarlar ğayıp ola. Soñki vaqialar arasında – Aqmescittebelgisiz coyulğan Ernest Ablâzimov ve 16 yaşında Elvina Rizakova, 2015 senesi dekabr ayında Keriçte eki adam ğayıp oldı: Ruslan Ganiyev ve dostu Arlen Terehov. 2014 senesi mayıs 30-da Seyran Zinedinov, 2014 senesi sentâbr 27 künü – İslâm Cepparov ve Cavdet İslâmov, 2014 senesi oktâbr 3-de – Eskender Apselâmov ğayıp oldılar.

Qırım Taqiqat komiteti bu insanlarnıñ ğayıp oluvı sebebinden cinaiy işlerni aça, amma insanlarnıñ bulunuv yerleri alâ daa belgisiz.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG