Ukraina haber siyaseti naziriniñ Qırım işlerinden keñeşçisi Emine Ceppar bildirgeni kibi, fevral 26 kününden ukrain mekteplerinde Qırımda 2014 senesi fevral-mart ayları olğan adiselerge bağışlanğan desrlerni keçirecekler.
«Yuqarı sınıflarda ders maqsadı – Qırım işğaline vatandaşlıq qarşılığı aqqında tarif etmek ve Qırım Rusiye islâatına ve ukrain toprağınıñ zaptına qol tutqanı aqqında efsaneni yoq etmek», – dedi Ceppar.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
