Rusiye Taqiqat komitetiniñ Qırım idaresi 2016 senesi yanvar ayında ğayıp olğan qırımtatarınıñ bulunu yeri ile bağlı teşkerüvniñ neticeleri aqqında bildire. Matbuat hızmetiniñ malümatına köre, Aqmescit rayonından 16 yaşında qız ve Saq rayonından 44 yaşında adam tapıldı.
«Qıznıñ Moskva territoriyasına çıqqanı, soñra qaytıp kelgeni bellidir, Saq sakini – iş qıdırıp Melitopolge ketti, soyları ile bağ tuta», – denile beyanatta.
2016 senesi yanvar ayında ğayıp olğan Ernest Ablâzimov aqqında söz kete. Soñki sefer yanvar 4 künü Aqmescit avtovokzalında körüngen edi. Qırım.Aqiqat mühbirleri Ablâzimovnıñ tuvğanlarına telefon ete, amma daa bağlanıp olamaylar.
Qırımnıñ işğalinden soñ yarımadada qırımtatarlar ğayıp ola. Soñki vaqialar arasında – Aqmescittebelgisiz coyulğan Ernest Ablâzimov ve 16 yaşında Elvina Rizakova, 2015 senesi dekabr ayında Keriçte eki adam ğayıp oldı: Ruslan Ganiyev ve dostu Arlen Terehov. 2014 senesi mayıs 30-da Seyran Zinedinov, 2014 senesi sentâbr 27 künü – İslâm Cepparov ve Cavdet İslâmov, 2014 senesi oktâbr 3-de – Eskender Apselâmov ğayıp oldılar.
Qırım Taqiqat komiteti bu insanlarnıñ ğayıp oluvı sebebinden cinaiy işlerni aça, amma insanlarnıñ bulunuv yerleri alâ daa belgisiz.
