Link açıqlığı

Saatnıñ esas haberi

Ukraina Tış işler nazirliginde Qırımnıñ işğalden azat etilmesi boyunca halqara muzakerelerni azırlaylar


Ukraina Tış işler nazirligi «Jeneva plüs» formatı çerçivesinde Qırımnıñ işğalden azat etilmesi boyunca halqara muzakerelerniñ teşkil etilmesi ile bağlı vazifelerni amelge keçirmege başladılar. Bunı Qırım.Aqiqatqa MİD departamentiniñ müdiri Aleksey Makeyev bildirdi.

«Halqara muzakere ketişatınıñ teşkil etilmesi boyunca vazifeler bar ve biz olarnı amelge keçirmege başladıq», – dedi o.

Makeyev bu vazifeler nege bağlı olğanını bildirmedi. «Şimdi tafsilâtlıca aytmağa istemez edim. Bu iş başlandı. Bu muzakerelerniñ meydançığı semereli olsun dep, neler etmege kerek olğanını añlamaq kerek. Rusiye Federatsiyasınıñ temsilcileri Rusiye içün Qırım meselesi artıq yoq olğanını kösterece ola. Qırım meselesi bütün dünya içün açıq. Rusiye Federatsiyası da, niayet, bunı añlamalı», – dep ayta o.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG