Link açıqlığı

Ukraina prezidenti Petro Poroşenko Almaniyağa 52-nci havfsızlıq meselelerinden München konferentsiyasına iş ziyareti ile keldi, mında Avropa birligi, NATO, AQŞ devlet kâtibi John Kerry ve Avropa devletleriniñ yetekçileri ile körüşecek.

Bunı prezident memuriyetiniñ matbuat hızmeti cumaertesi künü bildirdi.

Beklenilgeni kibi, Poroşenko, bir qaç eki taraflarma körüşüvden ğayrı, prezident munaqaşalarında iştirak etecektir.

Münchenge Ukraina Tış işler naziri Pavlo Klimkin de yol aldı. O, zenaatdaşları ile Donbass zidiyeti boyunca «normand şeklinde» körüşüvni keçirmek niyetindedir. Klimkin ziyaret arfesinde aytqanı kibi, Rusiye tarafından işğal etilgen Qırım meselesini de köterecek ola. Onıñ sözlerine köre, Ukraina Münchende Qırımnıñ işğalden azat etilmesi boyunca «Jeneva-plüs» formatını teşviqat etecek ola.

Münchende bugünki havfsızlıq konferentsiyasında esayen Suriye buhranı, Yaqın Şarqta istiqrarsız vaziyet, qaçaqlarnıñ meseleleri, kibernetik havfsızlıq, Afrika qıtasına istiqrar kibi meseleler muzakere etilecek.

XS
SM
MD
LG