Link açıqlığı

Saatnıñ esas haberi

Ukrainada Qırımda fevral 11 ve 12 künleri keçirilgen qanunsız tintüvlerni taqip eteler – QMC prokuraturası


Ukraina Baş prokuraturası yanında Qırım Muhtar Cumhuriyetiniñ prokuraturasında qırımtatarlarnıñ evlerinde fevral 11 ve 12 künleri keçirilgen qanunsız tintüvler boyunca cinaiy işlerniñ açılması aqqında bildire.

Mında şunı da qayd ettiler ki, «Qırım yarımadasınıñ vaqtınca işğal etilgen territoriyasında qanunsız sürette teşkil etilgen organlar nevbetteki sefer uydurılğan sebeplerden vatandaşlarnıñ serbestlik, şahsiy toqunmazlıq ve Ukraina Anayasası ve diger halqara qaidelerge köre kefil etilgen mülkiyet toqunmazlığı aqlarını boza. Bunı matbuat hızmeti bildire.

«2016 senesi fevral 11-de Rusiye Federatsiyası tarafından işğal etilgen Qırım yarımadasında qanunsız sürette teşkil etilgen havfsızlıq organı – Rusiye FSB bölüginiñ silâlı hadimleri tarafından «Qırım prokuraturasınıñ organları»nıñ şefaatı boyunca ve Ukraina qanuniyetiniñ bozuluvı ile alınğan mahkeme qararlarına köre Bağçasaray, Yalta, Aluşta, Zalanköyde qırımtatarlarnıñ evlerinde bir sıra tintüv keçirilgeni belli. Bundan da ğayrı, işbu şahıslar terroristik teşkilâtlarğa sanki alâqası bar olğanından sebep dört insannı yaqaladılar», – denile beyanatta.

Bu sebeplerden Qırım MC uquq qouryıcı organları Ukraina CK 146 maddesi 2-nci qısmı (insannı qanunsız sürette serbestlikten marum etmek) ve Ukraina CK 162 maddesi 2-nci qısmına (mesken toqunmazlığınıñ bozuluvı) köre cinaiy işlerni açtı.

Ukraina tış işler nazirligi fevral 12 künü Qırımda qırımtatarlarnıñ evlerinde keçirilgen tintüvlerge öz qarşılığını bildirgen.

Fevral 11 künü sabasından Qırımda qırımtatar faalleriniñ evlerinde tintüvler keçirildi. Uquq qoruyıcınıñ yaqalanuvı aqqında haber etken ediler. Qırımtatar Milliy Meclisi reisiniñ birinci muavini Nariman Celâlnı prokuraturağa çağırdılar. Uquq qoruyıcılar işbu vaqialarnı izaatlamay.

Qırımnıñ Rusiye FSB idaresi tarafından «Hizb ut-Tahrir» terroristik teşkilâtında faaliyet» cinaiy işiniñ çerçivesinde dört insan yaqalanğan. Bunı akimiyet tarafdarı olğan «Krıminform» haber agentligine Qırımnıñ Rusiye prokurorı Natalya Poklonskaya bildirdi.

Ukraina musulmanları diniy idaresiniñ reisi Said İsmagilov dey ki, fevral 11 künü qırımtatarlarnıñ evlerinde tintüvler Qırım musulmanlarını «terrorist» olaraq köstermek içün yapılğan. Bunı o, tintüvlerge oğrağan 12 insannıñ adını berip, Facebookta yazdı.

Aqmescit şeeri Kiyev rayon mahkemesinde fevral 11 künü yaqalanğan qırımlılarnıñ – Emir Üsein Kuku, Enver Bekirov, Müslim Aliyev ve Vadim Siruk – işi boyunca mahkeme toplaşuvı keçti. Olarnı Rusiye Federatsiyasınıñ CK 250 maddesi 2 qısmı boyunca qabaatlaylar («Terroristik teşkilâtnıñ teşkil etilmesi ve bu kibi teşkilâtta iştirak»). Mahkeme 2016 senesi aprel 8-ne qadar apis cezasını belgiledi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG