Link açıqlığı

Saatnıñ esas haberi

Poklonskaya «Hizb ut-Tahrir» işi» boyunca 4 insannıñ yaqalanuvı aqqında bildirdi


Qırımnıñ Rusiye FSB idaresi tarafından «Hizb ut-Tahrir» terroristik teşkilâtında faaliyet» cinaiy işiniñ çerçivesinde dört insan yaqalanğan. Bunı akimiyet tarafdarı olğan «Krıminform» haber agentligine Qırımnıñ Rusiye prokurorı Natalya Poklonskaya bildirdi.

«İşbu cinaiy işniñ taqiqatı devamında dört şeklengen şahıs yaqalanğan. Taqiqat çerçivesinde qıdıruv tedbirleri alıp barıla, – dey Natalya Poklonskaya. – Terroristik teşkilâtlarğa ait olğan ve Yalta ve Aluşta şeerlerinde faaliyet körgen «Hizb ut-Tahrir» teşkilâtı aqqında söz kete».

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Qırımtatar Milliy Meclisi reisiniñ birinci muavini Nariman Celâlnı prokuraturağa çağırdılar. Uquq qoruyıcılar işbu vaqialarnı izaatlamay.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG