Link açıqlığı

Saatnıñ esas haberi

Smedlâyev: Qırımda Qırımtatar Milliy Meclisi reisiniñ birinci muavini prokuraturağa çağırıldı


Qırımda fevral 11 künü Qırımtatar Milliy Meclisi reisiniñ birinci muavini Nariman Celâlnı prokuraturağa çağırdılar. Bunı Qırım.Aqiqatqa Qırımtatar Milliy Qurultayınıñ Merkeziy Saylav komissiyasınıñ reisi Zair Smedlâyev bildirdi.

«Prokuraturğa davetniñ sebebi – Meclis faaliyetini toqtatmağa rica etken belgisiz şahıslarnıñ şikâyeti, sanki. Çeşit sual berilgen edi, Meclis nasıl bir teşkilât olğanı, faaliyeti, strukturası, kimniñ nasıl vazifesi, meseleleri nasıl olğanı aqqında suallerni bergen ediler», – dey Smedlâyev.

Celâlnıñ özünden prokuraturğa çağırılğanı aqqında izaatları şimdilik yoqtır.

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Uquq qoruyıcılar işbu vaqialarnı izaatlamay.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG