Link açıqlığı

Qırımda fevral 11 künü sabasından keçirilgen tintüvlerniñ neticesinde sekiz insannı yaqaladılar, dedi Qırım.Aqiqatqa İnsan aqları boyunca Qırım kontakt gruppasınıñ idarecisi Abdureşit Cepparov.

«Bağçasaray rayonında dört tintüvden soñ üç insannı yaqaladılar. Bazılarnı Bağçasarayğa alıp kettiler, birisi endi azat etildi, daa eki insannı Aqyarğa, Aqyar FSB idaresine alıp kettiler. Biri Aqmescit FSB, üçü – Yalta FSB idaresinne yol aldı. Yani, sekiz yaqalanğan insan, birisini azat ettiler, daa yedi insan qala», – dey Cepparov.

Uquq qoruyıcı şunı qayd etti ki, tintüvler silâ qullanuvı ile keçirilgen edi, aytqanı kibi, ufaq balalar da zarar kördi.

«Tintüvlerni qattı şekilde keçirgen ediler: balaklava kiygen silâlı insanlar. Şimdi Yaltağa kettik, evi zapt etilgen, pencere ve qapıları qırılğan, amma aynı zamanda özü qarşılıq köstermegen ailege baracaqmız. Odalarda balaçıqlar yuqlay edi, pencere camları balalarğa tüşe edi. Balalarnıñ yaralarını, ruhiy bozuluvlarını ögrnecekmiz. Aynı zamanda FSB, politsiya küçleri işlettirilgen», – tarif ete o.

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Uquq qoruyıcılar işbu vaqialarnı izaatlamay.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG