Link açıqlığı

Saatnıñ esas haberi

Qırımda fevral 11 künü qırımtatarlarnıñ evlerinde Rusiye FSB temsilcileri alâ daa tintüv keçirmekte. Yarımadada bir vaqıtta sekiz tintüv keçirile, dedi Qırım.Aqiqatqa advokat Emil Kürbedinov.

Onıñ aytqanı kibi, tintüvler qırımtatarlarnıñ «terroristik teşkilâtlarda iştiragi» ile bağlı.

«Yaltada üç tintüv, Bağçasarayda eki, Bağçasaray rayonı Zalanköyde eki tintüv, Aluştada – bir, neticede – birden sekiz tintüv. Şimdi bu yerlerge barmağa tırışacağım. Bugün FSB ziyaretine lâyıq olğanlar – qırımtatarlar, musulmanlardır. Bir yerde Aqyar FSB qararı berildi, kene nasıldır bir terroristik teşkilât ve onda iştirak aqqında söz kete», – dey advokat.

Qırım.Aqiqatqa şimdi Bağçasarayda ailelerden birinde bulunğan Qırımtatar Milliy Qurultayınıñ merkeziy saylav komissiyasınıñ reisi Zair Smedlâyev aytqanı kibi, aile azalarını celpnamesiz sorğuğa alıp ketecek olalar.

«İç bir qanuniy areket körmeyim, nizamsızlıqtır. Belli olğanı kibi, endi üç insannı yaqaladılar. Birini Aqyarğa, daa eki insannı – ğaliba, Bağçasarayğa alıp kettiler», – dey o.

Smedlâyev şunı da qayd etti ki, uquq qoruyıcılar tintüvlerni terrorizm ile küreşleri ile añlatalar.

«Şimdi saqalı olğan, camilerge qatnağan, islâm dinini kütken er kes olar içün terrorist ola bile, – dedi o.

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Uquq qoruyıcılar işbu vaqialarnı izaatlamay.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG