Link açıqlığı

Advokat Emil Kürbedinov Qırımda qırımtatarlarğa qarşı yañı cinaiy işlerniñ sahtesi peyda olğanı aqqında bildire, bu kibi işlerden sebep Aqyardan dört musulman adamı yaqalanğan edi. Olarnı «Hizb ut-Tahrir»ge alâqası bar olğanında qabaatlaylar.

«Olğan malümatqa köre, Aqyar FSB kene qırımtatarlarğa qarşı yañı cinaiy işlerniñ sahtesini meydanğa ketire, bu kibi işlerden sebep Aqyardan dört musulman adamı yaqalanğan edi – Ruslan Zeytullayev, Rustem Vaitov, Nuri Primov, Ferat Sayfullayev. Menimce, Elvina R. İGİLge qoşulmağanı aqqında malümat peyda olğanından soñ ve Qırım musulmanlarına, qırımtatarlarğа terroristik ruhu olğan halq obrazını yapıştırmağa imkânları yoq olğanından soñ – Aqyar sımaları daa bir qaç terroristik iş ile «oynamağa» qarar aldı!», – yazdı o Facebookta.

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Uquq qoruyıcılar işbu vaqialarnı izaatlamay.

Fevral 9 künü belli olğanı kibi, 2016 senesi yanvar 13-den qıdıruvğa ilân etilgen 16 yaşında Elvina Razakova Krasnodarda tapıldı. Babası aytqanı kibi, qız özü tuvğanlarına telefon etti. Advokat Emil Kürbedinov aytqanı kibi, Elvina Razakovanıñ ailesi «Life news» Rusiye teleşirketine qarşı mahkeme davasını açacaq ola. Adliyeci aytqanına köre, telekompaniya qıznı «İslâm devletine» bağlağanda, aqlı degil edi».

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG