Link açıqlığı

Qıtaiy Ukraina tarafından Qırımnıñ deñiz qamaçavı şimdi olğan şaraitlerde mümkün degil. Bunı qırımtatarlarnıñ milliy yetekçisi, yarımada qamaçavınıñ teşebbüsçilerinden biri Mustafa Cemilev bildirdi.

«Deñiz qurşavı – qıyın sual. Arbiy gemilerniñ sayısı yeterli olğanda, deñiz qamaçavı da mümkün. Bizde böyle imkân yoq. Havfsızlıq şurasınıñ qararı olsa, NATO gemileri kelse – bu endi başqa mesele. Keriç keçitiniñ işini toqtata bilecek bir qaç leyhamız bar, amma bundan ziyade degil», – dep tarif etti o «RBK-Ukraina» neşirine.

Keriç boğazından parom keçiti 2014 senesi başından Rusiye tarafından işğal etilgen Qırımnı Rusiye Federatsiyasınıñ Krasnodar diyarı ile bağlağan yekâne naqliyat arteriyasıdır.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG