Link açıqlığı

Aqmescitte olacaq Cuma Cami territoriyasında memuriy bina qurulacaq, içinde Qırım ve Aqyar musulmanları diniy idaresi yerleşecek. Bunı Qırım müftiyliginiñ matbuat hızmeti bildire.

«Fevral 10 künü «Simmaster» Aqmescit şirketiniñ mütehassısları Qırım Musulmanları Diniy İdaresiniñ yolbaşçılığına Cuma Cami terkibine kirecek müftiylikniñ memuriy binasınıñ interyerini taqdim etti. Müftiylikniñ teklifine köre, memuriy bina qırımtatar mimarcılıq üslübinde olmalı», – denile beyanatta.

Umumiy leyhağa köre, Cuma Caminiñ kompleksi eki qısımdan ibaret olacaq: qubbe ile cami, şadirvan ile içteki azbar, memuriy bina. Evel Cuma Cami binasınıñ eñ eyi leyhasına yarış ilân etilgen edi, birinci yerni İdris ve emil Yunusovlar qazandı.

QAMDİ Qırım işğalinden soñ öz areketlerini Meclis ile uyğunlaştırmay. Bütündünya qırımtatar kongressiniñ idare şurasınıñ toplaşuvında yanvar 16-17 künleri Müftiylikni qıtaiy Ukrainada açmağa qarar berdiler.

XS
SM
MD
LG