2015 senesi dekabr ayından 2016 senesi fevral ayına qadar Qırımda insan aqlarınıñ bozuluvları haritasında 27 bozuluv qayd etildi. Bunı Qırım.Aqiqatqa «KrımSOS» cemaat teşebbüsiniñ tesisçisi Tamila Taşeva bildirdi.
«Dekabr ve yanvar devamında insan aqlarınıñ bozuluvları haritasında onlarnen adise qayd etilgen. Bu yalıñız qayd etilgen vaqialardır, eminim, cemaat içün gizli olğan adiseler bundan da çoqtır. Biz nasıl yardım ete bilemiz – cemaatçılıqnıñ, halqara şeriklerimizniñ diqqatını celp etmek, Qırım territoriyasında halqara eyyetlerniñ bulunuvını talap etmek. İnsanlarnıñ qoruvı içün alet ola bile», – dey Taşeva.
Soñ ayları bozuluvları arasında: memuriy sıñırda naqliyat vastalarınıñ keçiş sıñırlavı, Qırım vatandaşlıq qamaçavı teşebbüsçisi Lenur İslâmov mülkiyetiniñ apsi, tınç toplaşuvnıñ keçirilüv yasağı, qırımtatarlarnıñ ğayıp oluvı, Mustafa Cemilevniñ ğıbiy apsi.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
