Qırımnıñ bir yetmiş meskün yeriniñ adı dekommunizatsiya aqqında ukrain qanunıñ çerçivesinde ğayrıdan tiklenecek. Ukraina prezidentini qırımtatar hadlqınıñ işlerinden vekâletlisi Mustafa Cemilevniñ matbuat hızmeti bildirgeni kibi, bu 1944 senesi sürgünliginden soñ deñiştirilgen serlevalar olacaq.
«Daa bir 1400 serleva Milliy hatıra ukrain institutı ve Qırımtatar Milliy Meclisiniñ temsilcilerinden ibaret olğan mahsus iş gruprası tarafından işlep çıqarılacaq ayrı qararda baqılacaq», – denile beyanatta.
Matbuat hızmetinde şunı da qayd ettiler ki, SSCB zamanında qırımtatarlarnıñ tarihiy vatanından sürgün etilmesinden soñ deñiştirilgen tarihiy serlevalarnıñ ğayrıdan tiklenmesini «Milliy mensüpligi boyunca sürgün etilgen şahıslarnıñ aqlarınıñ ğayrıdan tiklenmesi aqta» Ukraina qanunınıñ 3-nci maddesinde yazılğan.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
