Link açıqlığı

Qırımda Qırımtatar Milliy Meclisiniñ teşebbüsi ile Noman Çelebicihan hatırasına «Ant etkenmen!» edebiyat yarışı keçirile. Bu aqta Meclisniñ matbuat hızmeti bildire.

«Ant etkenmen!» Bütünqırım edebiyat yarışı Qırım Halq Cumhuriyeti, I Qırımtatar Milliy Qurultayınıñ teşkilâtçısı, Qırım, Poloniya, Aqrusiye, Litvaniya musulmanları müftisi Noman Çelebicihannıñ vahşiyce öldürilmesiniñ 98 yıllığına bağışlana», – denile beyanatta.

Tedbir teşkilâtçısı – Meclisniñ qırımtatar tilinde tasil meseleleri ve qırımtatar tiliniñ Qırım devlet ve cemaat ayatınıñ bütün saalarına kirsetüv boyunca idaresi.

Edebiyat yarışında Qırım mektepleriniñ 5-11 sınıf talebeleri iştirak ete bile.

Yarış eki namzetlikte keçe: Noman Çelebicihannıñ, şairlerniñ Noman Çelebicihan aqqınnda şiirleriniñ ezberden aytılması ya da Noman Çelebicihannıñ ayatı, siyasiy, diniy ve edebiya faaliyeti aqqında prezentatsiyanıñ kösterilmesi. Ya da vatanperver mevzusında şiirniñ ya da prezentatsiyanıñ taqdimi.

Yarışnıñ soñunda ğaliplerni Aqmescitte fevral 23 künü – Noman Çelebicihannıñ 1918 senesi vefat etken künü – taqdirleycekler.

XS
SM
MD
LG