Link açıqlığı

Saatnıñ esas haberi

Salı künü, fevral 9-da, Herson vilâyetine iş ziyareti ile Mersin (Türkiye) vilâyetinden eyyet kelip, bir sıra saada devamlı işbirlikni qarucaq ola.

Bunı Неrson vilâyet devlet memuriyetiniñ matbuat hızmeti bildire.

Matbuat hızmetiniñ malümatına köre, bıltır noyabr ayında Türkiyege vilâyet devlet memuriyeti eyyetiniñ ziyareti vaqtında Herson vilâyet ive Mersin vilâyetiniñ memuriyeti arasında niyetler aqta beyanname imzalanıldı, noqtalarından biri – iqtisadiyat, ticaret, köy hocalığı, naqliyat inkişafı saalarında devamlı işbirlikniñ ve dostane munasebetlerniñ qurulması içün areket etmek edi.

«Endi Türkiye eyyeti Herson vilâyetini ziyaret etip, Herson vilâyet devlet memuriyeti ve Mersin belediye memuriyeti arasında ticariy-iqtisadiy, ilmiy-tehnikiy ve medeniy işbirlik aqqında añlaşmanı imzalaycaq», – denile beyanatta.

Türkiye eyetini halqara «Herson» ava limanında qarşılaycaqlar.

Türkiye eyyeti vilâyete bir künden çoq bulunacaq. Malümatqa köre, fevral 10 künü vilâyet devlet memuriyetinde körüşüv vaqtında tış ticariy alâqa ve çetel şeriklerniñ artması aqta añlaşmanı imzalaycaq olalar.

Fevral 11 künü Türkiye eyyeti Geniçesk rayonına barıp, yerli mektep, camilerni ziyaret etecek, qırımtatar halqınıñ temsilcileri ile körüşecektir.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG