Ankarada keçken raatlıq künleri Türkiye qırımtatar teşkilâtları platformasınıñ toplaşuvı keçti. İşbu platformağa 43 teşkilât kire. Toplaşuvda qırımtatar halqına problemlerniñ al etilmesinde yapılacaq yardım aqqında qararlar qabul etildi.
Bu aqta Ukraina prezidentiniñ qırımtatar halqınıñ işlerinden veklâtlisiniñ matbuat hızmeti bildire.
«Qırımtatar diasporasınıñ temsilcileri qırımtatar mektep ve sınıflarnıñ, bala bağçaları, cami ve qırımtatar tiliniñ ve medeniyetiniñ inkişafı içün medeniy merkezlerniñ açılması ile bağlı teşebbüslerge qol tutacaq olalar. Ukrainada qırımtatarlarnıñ yaşağan yerlerinden, Herson vilâyetinde bu kibi merkezlerni teşkil etecekler», – denile beyanatta.
Mında şunı da qayd eteler ki, qabul etilgen bütün qararlar Qırımtatar Milliy Qurultayı, Qırımtatar Milliy Meclis ive Bütündünya Qırımtatar Kongressi ümdelerine uyğun kele.
2015 senesi qıtaiy Ukrainada bala bağçasında yekâne qırımtatar gruppasını açtılar.
