Link açıqlığı

Saatnıñ esas haberi

Avdet qırımtatar gazetasınа çaqtılar ve onı «yoq etecek» olalar


Avdet gazetasınıñ elektron adresine Qırım prokuraturasına Rustem Hayali adıdan şikâyet kopiyası keldi. Şikâyetçi özüni tarih ilimler namzeti olaraq tanıta, şikâyeinde «gazeta saifeleriniñ tafsilâtlı teşkerüvini keçirmege ve onı bütünley qapatmağa talap ete». Bunı o gazeta saytında yaza.

Hayali dey ki, «işbu gazetanıñ zemaneviy Qırımda faaliyeti manasızdır, gazetanıñ özü ise gizli şekilde Meclis menfaatını tasvir etip, beşinci kolonna olaraq sayıla».

Onıñ fikrine köre, Avdet gazetası iç bir vaqıt qırımtatarlarnıñ menfaatını qorçalamay edi, «30 yıl devamında Meclis ruporı olğan edi» eken. Bunıñ ile neşirde gazeta 26 yıl devamında çalışqanını bildireler.

Hayali elektron mektübiniñ serlevasında neşir hadimlerine nezaketsiz muracaat ete. «Qanun yardımı ile gazetañıznı yoq eterim. Lânet oluñız!!!», – yazdı o.

Gazetada deyler ki, bu nefretniñ sebebi şunda ki, Hayaliniñ fikrine köre, 2012 senesi Avdet onıñ monografiya malümatını başqasınıñ adından basqan eken.

«Avdet o maqaleniñ müellifi – o vaqıt student olğan – Selim Ali ile bağlanmağa areket ete. O «Milliy Firqa peyda oluvı ve faaliyeti» metnini yollağan edi, Hayali bunı öz emegi dep saya», – yaza gazeta.

Mında şunı qayd eteler ki, Avdet bir vaqıtları Rustem Hayaliniñ maqalelerini basqan edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG