Link açıqlığı

Saatnıñ esas haberi

Qırımda Rusiye pasportlarını ecnebiylerge bergen memurnı makeme etecekler


Qırım boyunca Rusiye Taqiqat komitetiniñ Baş taqiqat idaresi Aqmeçit rayonında Qırım boyunca FMS idaresiniñ migratsion bölüginiñ sabıq reisine qarşı cinaiy işni mahkemege berdi. Onı ecnebiylerge Rusiye pasportlarını bergeninde qabaatlaylar.

Matbuat hızmeti bildirgeni kibi, onı RF CK 292.1 maddesi 2-nci qısmına köre qabaatlaylar.

«2014 senesi aprel ayından 2015 senesi mart ayına qadar şeklengen şahıs RF vatandaşı pasportını almaq içün qanuniy sebepleri olmağan ecnebiy vatandaşlarğa Rusiye Federatsiyasınıñ vatandaşı pasportınıñ berilmesi aqta qarar bere edi. Neticede qanunsız sürette 96 pasport berildi», – denile beyanatta.

Onıñ bergen pasportlarını tutıp aldılar, deyler Taqiqat komitetinde.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG