Link açıqlığı

«Azov»nıñ Lvivde cami qurucılığına qarşı maqalesi Rusiye teşviqatını tekrarlay – Belitser


Pilipp Orlık adına Demokratiya İnstitutınıñ mütehassısı Natalya Belitser dey ki, «Azov»nıñ Lvivde cami qurucılığına qarşı maqalesi Rusiye teşviqatını tekrarlay. Bunı o Qırım.Aqiqatqa bildire.

«Azov» mevamı zemaneviy Rusiye teşviqatı ve Ukraina dostları olmağan Avropa memleketleriniñ anti-islâm belâğatı ile teñ kele», – dey Belitser.

Ekspertniñ malümatına köre, «Lvivniñ islâm zaptınıñ başlanuvı» maqalesiniñ müellifleri Ukraina ve ukrain halqı içün qırımtatar halqı ile sıqı bağı ne qadar müim olğanını añlamağanlarını kösterdiler.

Belitser işbu maqaleniñ bar olması Lviv ve qıtaiy Urkainada qırımtatarlar ile dostane munasebetlerge tesir etmeycegine ümüdini bildirdi.

«Azov» ukrain polkunıñ Azov.Press saytında fevral 2 künü Lvivde cami qurucılığına qarşı maqale çıqtı. Köçip kelgen qırımtatarlar mında «icretçi», cami qurucılığı – «hristian şeeri içün çağıruv» ve «lvivlilerniñ sabırı içün sınav» olaraq adlanılğan. Qıtaiy Ukrainada yaşağan qırımtatarlar işbu maqaleni yabancı duşmanlığı nümünesi ve ukrain toplulığını bölmek ıntıluvı olğanı aqqında bildirdi. Fevral 4 künü maqale sayttan silindi.

«Azov» polkunıñ matbuat kâtibi Aleksandr Alferov dey ki, sayta aşkâr etilgen maqale «Azov» polkunıñ mevamını iç te aks etmey. Kimniñ mevamını aks etkeni aqqında ise izaat bermedi.

XS
SM
MD
LG