Link açıqlığı

Saatnıñ esas haberi

Politsiya areketlerine şikâyetini Moskvağa yollağan Qırım blogeriniñ arizaları Qırımda baqılacaq


Qırım blogeri Zair Akadırovnıñ onı yaqalağan Qırım politsiya hadimlerine şikâyet arizası Moskvada degil, Qırımda baqılacaq. Bunı jurnalist Facebookta bildirdi.

«Keçken afta Rusiye Federatsiyasınıñ İçki işler nazirligine yollanılğan Qırım Yuqarı Mahkemesiniñ binası yanında meni qanunsız sürette yaqalağan politsiya hadimlerine şikâyetime Qırım İçki işler nazirliginden cevap keldi. Arizam cinayet, memuriy bozuluvlar kitabında qayd etilgen ve Rusiyeniñ Aqmescit boyunca içki işler nazirliginiñ idaresine yollanılğanı aqqında bildirüv keldi», – yazdı o.

Zair Akadırovnıñ aytqanı kibi, Rusiye prezidentiniñ memuriyetinden kelgen cevabında qayd etilgenine köre, onıñ arizası Rusiye Federatsiyasınıñ İçki işler nazirligine «doğru ve er taraflama ögrenilmesi» içün yollanılğan, ve «qanun emiyetiniñ teminlevi» içün Qırım prokuraturasına yollanılğan.

Yanvar 15 künü Qırım Yuqarı mahkemesiniñ binası yanında, «fevral 26 işi» boyunca mahkeme toplaşuvınıñ başlanmasını beklegen qırımtatar jurnalisti Zair Akadırovnı yaqaladılar. Zair Akadırovnı onıñ zenaat faaliyeti aqqında soraştırdı ve bir saat devam etken sorğudan soñ azat ettiler. Bunıñ ile, jurnalistniñ aytqanına köre, onı mecburen Ekstremizmge qarşılıq boyunca merkezge alıp ketmege istey ediler, qorquzdılar.

Qırım Rusiye tarafından işğal etildi.

XS
SM
MD
LG