Link açıqlığı

Saatnıñ esas haberi

Yevroparlament Qırımda taqiplerni toqtatmaq ve onı Ukrainağa qaytarmağa çağıra


Avropa parlamenti Rusiye tarafından işğal etilgen Qırımda qırımlı, şu cümleden qırımtatarlarnıñ aqlarınıñ bozuluvını takbih etti. İşbu rezolütsiyağa Avropa parlamentiniñ deputatları Strasburgda fevral 4 künü qol tuttı.

«Avropa parlamenti «insan aqlarınıñ, şu sırada ekstremizm ve terrorizm küreşi manaçığı ile etilgen qırımlılarnıñ, qırımtatarlarnıñ aqlarınıñ bozuluvını takbih ete», – denile beyannamede.

Avropa parlamenti yarımadada söz ve toplaşuv serbestliginiñ sıñırlavını takbih etti.

Avropa deputatları hatırlatqanı kibi, Rusiye, işğalci akimiyet olaraq, yarımada ealisiniñ havfsızlığı içün mesüliуetlidir.

Dört insandan ibaret olğan ve İsveçre diplomatı, elçi Jerar Ştudman reberliginde Avropa Şurasınıñ eyyeti Qırımğa yanvar 25 künü keldi. Avropa Şurasınıñ baş kâtibi Turbern Yagland degeni kibi, eyyetni Qırımğa yarımadada insan aqları ile bağlı vaziyetke qıymet kesmek içün yolladı. Bunıñ ile eyyetniñ işi mustaqil olacağını qayd etti, onıñ işi Qırımnıñ territorial statusına bağlı degil eken.

Avropa Şurasınıñ közeticileri Qırımğa soñki bir buçuq yıl içinde kirgen halqara teşkilâtlarnıñ ilk temsilcileri oldı.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG