Link açıqlığı

İslâmov: Qırım ile memuriy sıñırda sıñır bekçileri ile «Asker» birliginiñ faalleri turacaq


Qırım qamaçavı boyunca vatandaşlıq aktsiyasınıñ idarecisi Lenur İslâmov aktsiya iştirakçileriniñ Qırım ile memuriy sıñırda Ukraina Devlet sıñır hızmetiniñ temsilcileri ile umumiy hızmetke azır olğanını bildirdi.

«Talimat keçirile, yerlerniñ donatuvı, 15-den anda bizim faallerimiz turacaq. Biznen eñ başından turğanlar ileride de Qırım ile memuriy sıñırda nezaret kiriş noqtalarında turacaq. Kelecekte kiriş noqtasında vatandaşılq nezareti olacaq. Qaparcılıqqa, elastığa yol bermemek içün , ve, asılında, Ukraina qanuniyetini yerine ketirmek içün», – dey İslâmov Qırım.Aqiqatqa.

Onıñ sözlerine köre, al-azırda «Asker» cemaat birliginde qayd etilgen bir elli faali ögretile.

Devlet sıñır hızmetinde deyler ki, oqutuvnıñ soñunda faaller imtianlarnı berecek ve «er bir faalige köre ayrı qarar alınacaq».

Mında şunı da qayd ettiler ki, faaller nezaret hızmetleriniñ işine kirişmeycek, esas vazifeleri – mütenasip hızmetlerniñ areketleriniñ cemaat nezaretini keçirmek.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG