Qırımda Rusiye akimiyeti aselet azat matbuat vastalarını yoq ete, deу Qırımda Alan uquq qoruyıcı merkeziniñ idarecisi ve Rusiye uquq qoruyıcısı Aleksandra Krılenkova.
Bunı o Qırım.Aqiqat Radiosınıñ efirinde bildirdi.
«İşbu basqı (söz serbestligine – QA) adım-aım, uzun ve keyfiyetli olğanı aqqında aytmağa mümkün. Çünk Qırımda azat jurnalist ve azat matbuat vastası deyerlik qalmadı», – dey uquq qoruyıcı.
Onıñ aytqanı kibi, bunı Aqmecsitte «fevral 26 işi» boyunca mahkeme toplaşuvı keçirilgen künü Qırım blogeri Zair Akadırovnıñ yaqalanuvı da tasdiqlay.
2014 senesi mart ayında Qırımnıñ Rusiye tarafından işğali başlağanda yarımadada İnsan aqları boyunca Qırım alan eyyeti işine başladı. Onıñ terkibine Rusiye, Ukraina ve Qırım uquq qoruyıcıları kirdi. Şimdi uquq qoruyıcı eyyet yarımadada daimiy sürette bulunıp olamay.
