Aqmescitte fevral 2 künü Yalta şeer mahkemesiniñ maşinalarnı ateşke berüvde şeklengen Müedin Alvapovnı apiste qaldırmağa cezası aqta qarırna itiraz arizası baqıldı.
Qırımtatar Milliy Meclisiniñ matbuat hızmeti bildirgeni kibi, Qırımnıñ Yuqarı mahkemesi birinci mahkemeniñ qararını lâğu etmeyip, Alvapovnı apiste qaldırdı.
Yanvar 25 künü Yalta şeer mahkemesi Yaltada maşinalarnı ateşke berüvde qabaatlanğan qırımtatar faali Müedin Alvapovnı mart 23-ne qadar apiske aldı.
Yaltala maşinalarnı ateşke berüvinde şeklengen üç insannı yaqaladılar. Müedin Alvapovnı «mülkniñ aselet yoq etüvi ya da bozuluvı»nda şekleyler. Bu maddege köre beş yıllıq apis cezası belgilene.
Alvapovnıñ tuvğanları onıñ qabaatsızlığında eminler.
Yanvar 24 künü Muedin Alvapovnıñ yaqalanğanı aqqında Qırımtatar Milliy Meclisi reisiniñ birinci muavini Nariman Celâl bildirdi.
