Link açıqlığı

Cemilevniñ ofisinde onıñ Qırımda yaşağan tuvğanlarına FMS ziyaretini qırımtatarlarğa basqı devamı olaraq adlaylar


Federal migratsion hızmetiniñ Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ Qırımda yaşağan tuvğanlarınıñ vesiqalarınıñ teşkerüvini qırımtatarlarğa etilgen nevbetteki basqı olaraq adlaylar.

Böyleliknen vekâletliniñ matbuat hızmetinde fevral 2 künü Kefede Otuz qasabasında yaşağan qızına Rusiye mahsus hızmetleriniñ «ziyareti»ni izaatladılar.

Beyanatta bildirilgeni kibi, vesiqalarnıñ teşkerüvi esasında, şu cümleden, Cemilevniñ torunında, mahsus hızmetler «onı çıqarıp, ğaliba, FSBge alıp ketecek ediler».

«Vaqia yerine yerli faaller kelgeninden ve er şeyni videoğa çıqarıp başlağanından soñ, işğalci strukturalarnıñ temsilcileri evni terk etti», – haber ete Cemilevniñ matbuat hızmeti.

«Qırımtatarlarğa işğalci akimiyetniñ mahsus strukturalarınıñ tarafından bu kibi basqı ıntıluvı işğalci Qırımda adetiy bir ameldir. İşğal şaraitlerinde yarımadanıñ köy ve şeerlerinde er kün tintüv, sorğu, mahkeme toplaşuvları, basqı, insan aqlarınıñ bozuluvı yüz bere», – denile beyanatta.

Bildirilgeni kibi, yigirmi yaşında Erol Abuljelilov şimdi Qıbristan Yaqın şarqiy universitetinde oquy ve tatillerge evine qayttı.

FMS Cemilevniñ ailesine etken ziyaretini izaatlamay.

2014 senesi başında Qırım işğaliden soñ Mustafa Cemilev ve Refat Çubarovğa yarımada kirişi beş yılğa yasaqlandı.

XS
SM
MD
LG