Link açıqlığı

Saatnıñ esas haberi

Alupkada qırımtatar uçucısı Amet-Han Sultannıñ hatırasını añdılar


Qırım Cenübiy yalısında Sovet Birliginiñ eki defa qaramanı Amet-Han Sultannıñ hatırasını añdılar. Belli uçucınıñ ölüminden 45 sene keçkeni munasebeti ile hatıra tedbirleri fevral 1 künü Alupkada Amet-Han Sultan müzeyinde keçti, dep bildire Yalta Rusiye memuriyetiniñ matbuat hızmeti.

«45 yıl evelsi Amet-Han Sultan soñki sefer TU-16 aviatsion köçüricisini sınadı. Sınav vaqtında efsaneviy uçucı elâk oldı. Arbiy borcunı eda etip, elâk oldı», – dedi müzey reberi Tefide Mühterem.

2015 senesi oktâbr ayında Kiyev ve Qırımda Amet-Han Sultannıñ 95 yıllığına bağışlanğan tedbirler keçti.

Sovetlerniñ uçucısı Amet-Han Sultan 603 cenk uçuşını yaptı, 30 uçaqnı şahsen ve 19 uçaqnı taqım içinde qırdı. Yaz işi devamında uçucı 100 uçuş vastasını ögrendi. 1971 senesi fevral 1-de Amet-Han Sultan Tu-16 uçuş laboratoriyasında sınav uçuşında elâk oldı. Moskvada defn etilgen edi.

XS
SM
MD
LG